Ladki Bahin Yojana: महाराष्ट्र सरकारने जुलै 2024 पासून सुरू केलेली ‘मुख्यमंत्री लाडकी बहीण’
योजना महिलांमध्ये लोकप्रिय ठरली. या योजनेमुळे दोन कोटी ५२ लाख महिलांना लाभ मिळाला आहे. सरकारने डिसेंबर 2024 मध्ये महिलांच्या खात्यात १५०० रुपये जमा केले. मात्र, जानेवारी महिना संपत आला तरी अद्याप हप्ता मिळाला नाही. त्यामुळे महिला चिंतेत आहेत. आतापर्यंत महिलांना 9000 रुपये मिळाले आहेत. Ladki Bahin Yojana
डिसेंबरच्या हप्त्यानंतर महिलांची अपेक्षा-
डिसेंबरमध्ये हप्ता मिळाल्यानंतर महिलांना अपेक्षा होती की संक्रांतीच्या निमित्ताने जानेवारीचा हप्ता मिळेल. पण अद्याप त्यावर सरकारकडून कोणतेही स्पष्ट संकेत नाहीत. महिलांनी प्रश्न विचारायला सुरुवात केली आहे की, “जानेवारीचा हप्ता कधी जमा होणार?”
बजेटमध्ये बदलाची शक्यता
महायुती सरकारने निवडणुकीच्या प्रचारादरम्यान महिलांना १५०० रुपये हप्त्याऐवजी २१०० रुपये देण्याचे आश्वासन दिले होते. मुख्यमंत्री देवेंद्र फडणवीस यांनी बजेटमध्ये यावर विचार केला जाईल, असे सांगितले. त्यामुळे मार्च महिन्यातील अर्थसंकल्पात योजनेत सुधारणा होण्याची शक्यता आहे.
छगन भुजबळ यांचे वक्तव्य
दरम्यान, “ज्या महिलांना या योजनेसाठी पात्रता नाही, त्यांनी स्वतःहून योजना सोडावी,” असे राष्ट्रवादीचे नेते छगन भुजबळ म्हणाले. त्यांचा यावर आणखी खुलासा करताना सरकारने आतापर्यंत दिलेली रक्कम परत मागणार नसल्याचे स्पष्ट केले. मात्र, निकषांमध्ये बसत नसलेल्या महिलांबाबत तक्रार आल्यास कारवाई होणार असल्याचा इशारा देखील सरकारने दिला आहे.
महिला मतदारांमध्ये महायुतीचा प्रभाव
‘लाडकी बहीण’ योजना महायुती सरकारसाठी निवडणूक रणनीतीत महत्त्वाचा भाग ठरली. महिलांनी मोठ्या प्रमाणात मतदान करून सरकारच्या धोरणांना पाठिंबा दिला. आता या योजनेतील पुढील टप्प्यावर महिलांचे लक्ष आहे. Ladki Bahin Yojana
सरकारची भूमिका महत्त्वाची
महिला मतदारांना खूश ठेवणे हे सरकारचे प्राथमिक उद्दिष्ट आहे. त्यामुळे जानेवारीचा हप्ता लवकरच जमा होईल, अशी महिला आहे. शिवाय, योजनेच्या अंमलबजावणीतील पारदर्शकतेवरही भर दिला जाईल.
महिला मतदारांच्या विश्वासाचे भविष्य
महिला मतदारांनी योजनेला मोठा प्रतिसाद दिला असला तरी सरकारने वेळेवर हप्त्याचा पुरवठा न केल्यास त्यांच्या विश्वासाला तडा जाऊ शकतो.